ـ ماما .. هو انت عندك كام سنة؟؟
ــ اية دة اية دة .. ايه الريحة دى .. ميييت مرة اقول نغسل ايدينا بالصابون.. ياللا يا توتة مرة كمان
*************************
ــ ماما .. هو انت اتولدت سنة كام؟؟
ــ اية السؤال الغريب دة.. انت اللى اتولدت سنة كام؟؟ لو شاطرة بجد قوليلى الفرق بينك وبين أخوك كام سنة؟؟
*************************
ــ ماما .. هو انت بجد عندك كام سنة؟؟
ــ عارفة يا حبيبتى .. بيقولوا دايما ان العمر بيتحسب باللحظات الحلوة اللى بنعيشها
وانا احلى لحظاتى واحنا بنلعب مع بعض.. تيجى نلعب مونوبولى؟؟
*************************
ــ ماما .. انت اتجوزتى وانت عندك كام سنة؟؟
ــ على فكرة انا متهيألى الموبايل بتاعى بيرن.. ممكن تجيبيه من الشنطة يا توتة
*************************
ــ ماما .. انا عرفت عندك كام سنة
ــ نعمممم
!!!!!
؟؟؟؟؟
ــ انتى عندك خمسة وعشرين سنة
ــ ماشى يا توتة .. ربنا يخليك لى
ــ و 120 شهر
:)))
