بعد نتيجة الثانوية العامة
ــــ اتصلت ببنت خالى النهاردة .. بنتها كانت فى الثانوية العامة السنة دى
ــــ وعملت ايه؟
ــــ طايرين بيها من الفرحة.. البنت جابت 95 % علمى علوم
ــــ عقبال ولادنا يا حبيبتى
ـــــــــــــــــــــــــــــــــــــــــــــــــــــــــــــــ
بعد التنسيق
بعد التنسيق
ــــ اتصلت ببنت خالى النهاردة.. تخيل ايه اللى حصل
ــــ خير.. مش هتدخل حاجة مناسبة؟
ــــ مش هتدخل حاجة خالص.. المشكلة فى انهم مش قادرين يلوموها
ــــ ولا حتى بيطرى
ـــــــــــــــــــــــــــــــــــــــــــــــــــــــــــــــ
بعد تفكير
ـــــ عايز اكلمك فى موضوع مهم
ـــــ خير يا حبيبى
ــــ تفتكرى التعليم مهم اكتر للولد وللا للبنت..يعنى لو الاتنين جابوا مجموع منيل زى بنت بنت
خالك مين اولى ندخله تعليم خاص
ــــ نظرة ذكورية وحشة، ثم ان مجموعها ما كانش وحش
ــــ كل حاجة بتغلى يا حبيبتى.. احنا دخلنا هندسة ب 83%.. يعنى ابنك لو عطس فى الامتحان هتطير منه 5 %بس اوكى... انا معاكى للآخر التعليم مهم للاتنين
ــــ ايوة كدة
ــــ بس لازم يكون تعليم محترم مش معهد تحت بير السلم.. جامعة امريكية ..جامعة المانية .. وسألت على المصاريف .. باسعار النهاردة السنة تقف ب 50 الف جنيه فى خمس سنين بربع مليون .. للاتنين يبقى نص مليون وفوقهم 100 الف لزوم الدراسة نفسها يبقى 600 الف
ــــ ـ ـ ـ ـ ـ ـ ـ
ــــ ولكل واحد مقدم شقة .. مقدم بس .. 150 الف يعنى للاتنين 300 الف ومعانا 600 من الاول
ــــ وليه نجيب للبنت شقة
ــــ المساواة.. علشان ما اسمعش كلمة مجتمع ذكورى دى تانى.. ثم افرضى حظها طلع وحش ولا اختارت واحد غلبان ولا ماتجوزتش من اصله
ــــ ماشى ماشى
ــــ وزودى بأة باسعار النهاردة عربيتين الواحدة ب 50 الف لزوم الدراسة والألاطة بتاعة ولادك
ــــ يعنى
ــــ يعنى لازم يكون معانا مليون جنيه فى اقل من 8 سنين .. مستعدة؟؟
ــــ ماتحملش هم .. انا عاملة جمعية بخمس تلاف جنيه هاقبضها فى ابريل اللى بعد الجاى
:))))
