فى حوار مع اخويا الصغير اللى عايز يهاجر.. لقيتنى باغنى واقول شعارات
وأحاول أشجعه رغم حزنى على بعده.. وأفكّره أن انتمائه لمصر مش مرتبط بكونه فيها أو لأ
باشجعه لوحدى.. وكلهم رافضين.. يمكن مش شايفين
!!!
أو متفائلين
!!!
أو إنى فعلاً طيارة ورق.. وعايزة كل الناس تطير
؟!
وحسيت أنى عايزة اشحنه قبل السفر.. بشوية مصر
علشان ما ينساش
ولقيت أن شوية كلام فارغ وصور ممكن يكونوا أحلى من الغنا والشعارات
اسمع يا سيدى :ـ
تقدر تحتفظ فى ذاكرتك بكل القفشات والنكت والأمثال وكل جملة مشهورة من فيلم
اعمل كدة
مش هتحس يوم انك بعيد
بص على الصور اللى فوق دى
قديـــــــمة صحيح
بس بتحكيلك اننا من زمان أوى ناس محترمين
وبجد بجد اصحاب حضارة مش كلام يعنى
تعرف إن لغتنا مليانة مصطلحات ومعانى جميلة.. والحقيقة اننا كمصريين بنبتكر تعبيرات غريبة جداً أكيد من كتر ما سمعناها اتعودنا عليها وفهمنا معناها من سياق الكلام حتى لو كانت غريبة علينا
بصراحة
عندنا قدرة غريبة على تغيير معانى الكلمات علشان تدى معانى جديدة
وكتير من التعبيرات اللى بنقولها.. جديد.. لو سمعه أجدادنا ما كانوش هيفهموه
أكيد كلنا عارفين الكلام دة .. بصراحة انا باستعمله فى اضيق الحدود
لكن انت خليك فاكره..استعمله او لأ ..مش مهم.. المهم إنك تفضل فاكر كل الكلام
بصراحة
عندنا قدرة غريبة على تغيير معانى الكلمات علشان تدى معانى جديدة
وكتير من التعبيرات اللى بنقولها.. جديد.. لو سمعه أجدادنا ما كانوش هيفهموه
أكيد كلنا عارفين الكلام دة .. بصراحة انا باستعمله فى اضيق الحدود
لكن انت خليك فاكره..استعمله او لأ ..مش مهم.. المهم إنك تفضل فاكر كل الكلام
الحلو والوحش
:)
كل التعبيرات دى قديمة شوية ..بس لسه مستعملة
:)
كل التعبيرات دى قديمة شوية ..بس لسه مستعملة
افتكرها.. خليها حلقة فى ودنك.. اوعى تحط حلقة فى ودنك بجد.. هاكرهك ساعتها
:)
بيقولوا
عُض فى الأرض
معناها: افعل ما بدا لك.. هيكون من غير فايدة ..لأن كله محصل بعضه
عُض فى الأرض
معناها: افعل ما بدا لك.. هيكون من غير فايدة ..لأن كله محصل بعضه
عمرك شفت لغة فيها معنى كدة.. جامد صح .. ودة اللى بيحصل عادة لكل واحد ماعندوش طموح
ما بيفكرش
بيضرب الأرض ومن غير بذور عايزها تطلع بطيخ
ماين أمورك
ومعناه : مارس تركيبة من النفاق والمهادنة والملاوعة والمطاطية
ماين أمورك
ومعناه : مارس تركيبة من النفاق والمهادنة والملاوعة والمطاطية
اوعى تعمل كدة.. خليك دايماً ثابت على مبدئك..المهم يكون صح
التنازلات موجودة فى كل مكان.. لكن خليها فى اضيق الحدود
مش على حساب نفسك
اللى سافرت علشان تلاقيها
اركب الموجة
معناه : ساير الحال.. وخليك مع الرايجة.. واعلى على حساب مبادئك
اركب الموجة
معناه : ساير الحال.. وخليك مع الرايجة.. واعلى على حساب مبادئك
انت أصلاً مشيت علشان ماتعملش كدة
علشان رفضت الاختيارين: الواسطة أو الرشوة
علشان كدة انا عارفة انك عمرك ما هتركب الموجة
واكل ناسه
ومعناه : قلبه ميت.. حجر..مايهموش أقرب الناس له
واكل ناسه
ومعناه : قلبه ميت.. حجر..مايهموش أقرب الناس له
لأ.. دة كلام ..عارفة انك قلبك حنون جداً.. وسفرك مش معناه أبداً كده.. أنا فاهماك والله
طراطيش كلام
معناه : إشاعات وبس
طراطيش كلام
معناه : إشاعات وبس
وهى دى بلدنا.. اشاعات اشاعات
هاعلقك على الشناكل
معناه : فضيحة بجلاجل.. ايه الجلاجل والشناكل دى .. مش عارفة
هاعلقك على الشناكل
معناه : فضيحة بجلاجل.. ايه الجلاجل والشناكل دى .. مش عارفة
بس الكلام دة بيحصل هنا مع كل طلعة شمس
لازم حد يتقفش
البلد برضه فيها قانون.. رغم كل شىء
:)
تعرف تخليك فاكر كل الكلام الفارغ دة.. دور على حد بيفهم عربى.. وقول له كل اللى فى نفسك
هزر مع نفسك بالعربى
اضحك بالعربى
والشات بالعربى
هابعتلك دايما رسايل
فيها آخر موضة فى الأمثال وآخر نكتة سياسية اتحبس بسببها فلان
وآخر قصيدة قالها عم علان وانتشرت زى الرهوان.. تعرف الرهوان؟
****************
طبعاً فاكر الشوية دول.. دول كلامك انت اللى اتعلمته منك.. مصطلحاتك انت واصحابك
اشتغله
معناه : ضحك عليه وسرح بيه
حلق له
معناه : طنشه
سجّده
معناه : ضحك عليه بكلمتين
نفض له
معناه : اعتبر كلامه ولا حاجة
تهييس
معناه : كلام فاضى ناتج عن جنون مؤقت
تهجيص
معناه : كلام فاضى مليان فشر
السياحة
معناها الجديد : نشر الخبر اللى مفروض ما يتنشرش
العنب
معناه : سعد الصغير
الهسس
معناه : الهاجس.. الظن .. حاجة كدة.. ودة غير العسس بتوع زمان
:)
الديموقراطية
معناه : دخت علشان اعرف معناه .. لقيته مصطلح دخيل ..غير مستعمل خالص فى أم الدنيا
****************
خليك واد روش طحن .. كفاءة
بتضحك؟
اضحك
بس خليك فاكر
ياريت تخليك فاكر ان بلدك فعلاً ام الدنيا
وأن اللى احنا فيه دة.. غيوم وهتعدّى.. وهترجع.. لازم ترجع
