طويل وسارح في الأراضي يعمر
والناس على جانبيه خيرها أهوه يكتر
تنام وتصحى عشانه في الفجرية تشمر
ويحن يوهب لينا من عنده زاد متخضر
وفي الأغاني دايما كان الحليوه الأسمر
***
بنقول بتاعنا لكن الزمن دوار
صحي اللي كان نايم وصار من الاحرار
وجاي يدور على مياه تحيي له الديار
غيرنا تمانية فيهم هو شريان ومار
قالوا للقط عنك شوية مفتاح الكرار
***
واحنا بأة شاربين عصير وأصفر
عايشين كدة مسطولين بنعب نسكر
كان سد وعملناه والقلب أخضر
قلنا نحوش الطوفان بيفيض يدمر
وعشنا من بعد خيره في الخير نهدر
***
ومن عجيب الزمن من بعد ما دار بينا
ان الخضار يرتوي من صرف مجارينا
واننا نرمي بقرة مكان ما يسقينا
ونحيا أهوه ف صحرا وهو في ايدينا
دة عمره ما يفيد ندم والعين اهي علينا
