كل اللي عملناه في غيابه.. بنحاول نلغيه بصلاحنا
نفسي اغلس على شيطاني.. واطلع روحه بعبادة
نفسي أكيده واخليه يهرب.. أصله ملازم فوق العادة
وعشان الدنيا محاصرانا.. بحاجات تحرق دم الواحد
بتخلي شياطينه تصحصح.. ولسانه يبرطم بالجامد
هافضل افكر برضه هافكر.. مش هاتوقف عن تفكير
وطبعا راحت عالفوازير.. وزماننا خطاها كتير
مين فاضي يفكر ويفزر.. والتفكير بأة أمر عسير
وأنا كواحدة من الستات.. نازلة كتابة في تدوينات
عمالة أطير طيارة.. من فوق فيللا وللا عمارة
ومن كتر فضايا وطيراني..عايزة أفكر باللي فـ بالي
لا أنا هلبس باروكات وأغني.. ولاهدي جوايز وأمني
همه شوية رغي كلام.. جايز يوصف لينك تمام
أو حاجة حوالينا بتحصل..أو غنواية لسه بتوصل
أو معنى راحت أيامه.. أو تصريح بندوب فـ كلامه
وتملي هاجاوب هنا دايما.. أصل الفكرة يادوب تنفيس
كلامنجاية وجاية تهجص.. وسع وسع للتهييس
